اكتشف الجديد دخول
تريد الهولك على ما تباه = وقلبك تريده يحصل مناه

وخل توده تريده عطوف = صدوق يعاهدك عهد الوفاه

فلا شفت مغرم فواده امريح = ولا ريت خود اهواها صحيح

فكم امتيم دعنه طريح = جفنه وقالن نحن ما نباه

بلاني هواهن مثل ما تشوف = انا فرد واحد وغيري الوف

عيوني تهامل ودمعني هتوف = وقلبي متيم وشطه عناه

عن احباب قلبي أنا ما سليت = وعن عذلكم يلحواسد صليت

جزاكم على الله انا مارأيت = على وصف خلي وحد سواه

سلبني وداده ولا راف بي = وحالي امعلل وجرحي غبي

ولو صاب غيري لذي حلبي = فلا ظن يهنا بلذة عشاه

عشيري تلفني بكثر الصدود = وكثر التماني وكثر الوعود

يواعد ويخلف ومر يعود = وناطول عمري ونا في رجاه

جبرني وداد الحبيب المليح = أنا به أمتيم وهو مستريح

ومر اغني ومر اصيح = قظيت الليالي على مستواه

سهير الليلاي حليف الغرام = خليع مليع الحشا مستهام

ونومي وقوتي وشربي حرام = وليلام من ليعته في حشاه

اشاكي واباكي ولا من يجيب = ولالي نديم عليه يثيب

ويا عونت الله أنا مستصيب = وحرج المحبه عسرني دواه

أدور حبيبي فريد الجمال = غضيض التصابي حسين الدلال

عليه المثل من تهايا الغزال = عيون وجيد كاجيد المهاه

هلال تكمل سنا بهجته = زحيات مسر على غرته

وورد أمفتح على وجنته = وخد لبيب تشعشع سناه

سنا نور ثغره أبروق تلوح = وريجه رحيق يداوي الجروح

وريح انسمه عنبري يفوح = زكيم الهوا لو يشمه شفاه

أشبه انهوده كابيض الربيب = وصدره لبيب وخصره جبيب

وردفه تعلا سواة الكثيب = ايليمن تمشا يعزل القطاه

وطا بلجدم في مهجتي وداس = وكهرب معاليج قلبي وحاس

قلبي وخلاه فيه التماس = امشوط افيوزي ولحد طفاه

تطاول قميص الحشا وملكه = وغزلي شعا وبعد شربكه

شنقي بحبل الهوا وفركه = وخلا فوادي امعلق وراه

ارا الشوق له ذوق يا عاشقين = ومحلا المعاتب امبين الثنين

اذا ذاك مغرم وهاذا ظنين = عتاب المحبه ترا له حلاه