مرات ربك يرزقك خوّة انسان واحد

ويسوى في عيونك ............قبايل

يا شعر تبقى في نظرهم كحيلان

وبنظرتي تسوى عيال الحمايل

حنا الاثنين اخوان واكثر من اخوان

لو ما اجتمعنا بالنسب والسلايل

لو نختلف بأسماء وعروق واوطان

يبقى التشابه بينا بالخصايل

وأنا ليا مني نويت أكسب إنسان

اسعى له بكل السبل والوسايل

أعرف كيف أرد الاحسان باحسان

وكيف أحصد بذور الفضايل فضايل

عايش زمن عاصرت به كل الأزمان

ماعيل بس أنطح ثمانين عايل

أكسب عدو وأحرق به قلوب عدوان

اشعل فتيله بس أطفي فتايل

أن خفت ضعف ..أخاف من ضعف ايمان

وإن عفت حمل أعاف حمل الجمايل

ما أضمى على الساحل لو مت غرقان

لو مركبي تابوت والموج هايل

أغرق شهيد أرحم من أموت عطشان

طيحة شموح ولا وقوف تمايل

ودك ليا من جيت في كل ميدان

لو منت الأول بالصفوف الأوايل

خلك ليا عودت خسران خسران

ينقال لك عاملن لك عمايل

لا صرت تحلم إحلم تكون سلطان

وإن جيت تقنع إقنع بحلم زايل

الوقت غربة وآخر الدرب عنوان

و العمر رحلة والتجارب رحايل

وانا من كثر مالي من الناس خلان

اللي صفولي بالشدايد ..... قلايل

شايف حسد؟ قل شايف أشكال وألوان

قابلت ظلم ؟ إلا لقيت هوايل

وإن عشعش بصدري من الغفن شيطان

وتسددت دوني جميع الوسايل

بلقى من عيال الحمايل كحيلان

اللي يكفي عن عيال الحمايل

مرات ربك يرزقك خوّة انسان ,, واحد

ويسوى في عيونك قبايل