اكتشف الجديدالفنانين
دخول
اول جريمه ف الكون كانت بين اتنين اخوات

قابيل هابيل يا ريتنا بنتعلم من كل اللي فات

تاريخنا عاد نفسه مليون مره وما بنتعلمش

وبنسأل نفسنا ديما طب ليه ما بنتقدمش

قالها راجل حكيم زمان ف الاتحاد قوه وف الفرقه ضعف

ياريتك تفهم معني كلمه ضعف

عارف الغرب اتحوّل عالم اول ليه مشيوا بالظبط ع اللي ف يوم جدودك قالوا عليه

الغرب اتعلّم مننا فكرة الاتحاد

وترجم كل كتبنا للغاتهم واتقدم واستفاد

واحنا بقينا عالم تالت وكرهنا لبعض زودها

خلانا عالم مكانه ثابت

يا مصر ويا جزائر انتوا احفاد شهداء

لرفع اسم العروبه فوق فدوها بالدماء

والله لو عملتوا نص اللى اتعمل ما بينكوا

ساعة ما امريكا دخلت العراق .. مكتش دخلت

خير اجناد الارض .. واقوى واعظم ثوار

لو اتحدتوا مع بعض صوتكوا هيكون جبار

قريت جرايد بره شفت اليوتيوب .. اتنكدت

يااه لما الحفيد يضيع جهد الجد

صراع الاخوات بقى مانشيتات جرايد الغرب

كل المحطوط عاليوتيوب مش تشجيع .. دي اسمها حرب

تشجيع بلدك من حقك .. مش بس من حقك ده واجبك

اهتف قوم ارفع علمك .. شيل كره اخوك من قلبك

واوعى تخلي الانانيه والعصبيه تشوه وطنك

الوطن العربي .. ماهو وطني ووطنك

فيكوا نفس الاديان .. نفس الالوان نفس القاره نفس الوطن

انتوا الاتنين اخوان .. فوقوا

رساله الى لكل فنان او اعلامي سواء في مصر او الجزائر

ساهم فى زيادة المشكله بين الشعبين عشان يزود شعبيته .. انا لا احترمك