على ذكرى اللقاء مريت اسلم

بذاك السوق الي فيه التقينا

اطمن قلبي اللي فيك مغرم

بذاك الحي ياقاسي علينا

لعل القاك واشكيلك وترحم

مدام الله بحبك مبتلينا

ولو ماحل بي بالصخر الابكم

من الامي وتعذيبي يلينا

دخيلك رقلي انا متيم

عسى ربي على ظلمك يعينا

انا قتلي بلا ذنب محرم

ومن مضنون عيني كم شكينا

دخيل الله يالغالي تكلم

ترى لولا غلاكم ماعنينا

انا ياعزوتي حي تبسم

انا اهواك وانت ماتبينا

اخاف اموت بأسبابك وتندم

وتقول امر مضى وش بأيدينا

عسى تسلم عيونك لي ويسلم

شبابك يابعد منهو هوينا