انته مالي واني مالك
وابقى مفتون بجمالك
اني من يوم الكيتك
ادماني صاير بس حنانك

انته مالي واني مالك
وابقى مفتون بجمالك
يابعد عمري وغرامي
هاك اخذ كلبي لحلالك

ارد اضل كل عمري يمك
نازك ومن عسل دمك
رايد احجي كلمه وحده
بيش كلي تنست امك

ياسبب كل ضحكه اليه
واغله من روحي عليه
كل لتمنيته اني
ايدك تصير بأديه

مسجل بأسمي وحلالي
وحيل تستاهل دلالي
اختصرلك كل كلامي
اصلا انته لنفس مالي ..

ضحكتك لا ماشفتها
واجمل ايامي عشتها
يلي جنك ياحبيبي
كلمه حلوه وبكتها ..

مالتي وكل امنياتي
ومصدر لفرحه بحياتي
فدوه الك كل هذا عمري
وترخص لعينك غلاتي..

اوف يلماكو بجمالك
مايشبهك بس خيالك
مسجل بأسمك حبيبي
الك وحدك ولحلالك ..

ياحلاتك ماكو مثلك
غير احبك ما اكلك
بين كل ناسي لشفتهم
انته وحدك حلو كلك ..

انته اول سر اكوله
عاشكك بلنضره الاوله
بلتعب جبتك حبيبي
ابد ماجيت بسهوله ..

مستحيل بيوم املك
صرت مغرم بيك كلك
حته لو زعلان منك
هم اجيك واعتذرلك ..


بكلبي صرت انته الاهم
وكلشي غيرك مو مهم
ماشغلني انسان غيرك
موت احبك للعلم..

عابر لحب بخيالك
يلي ماكو من جمالك
كلبي متسجل بأسمك
يلي غيره ماحلالك ..