الراديو نور الافكار .. الراديو فتح الابصار .. الراديو ينقل الاخبار الراديو يفضح الاسرار الراديو صوت الاحرار الراديو .. مادام ينور الافكار مادام يفتح الابصار مادام يفضح الاسرار يعني شي نافع مو ضار يحيا الراديو يحيا الراديو..

الراديو رمز الحرية الفكرية الراديو ركن من الديمقراطية الراديو فاضح كل اسرار الدنية ما ظل فد سر ينضم بوجود الراديو .. صوتة يلعلع باذني واذنك غصبا عني وغصبا عنك لا تكدر انت تسد اذني ولا اكدر اني اسد اذنك مادام عندي راديو مادام عندك راديو هاليوم يوم الراديو.

الراديو نور الافكار .. الراديو فتح الابصار .. الراديو ينقل الاخبار الراديو يفضح الاسرار الراديو صوت الاحرار الراديو .. مادام ينور الافكار مادام يفتح الابصار مادام يفضح الاسرار يعني يضر الاستعمار يحيا الراديو يحيا الراديو..

الراديو ديصبحنة وديمسينة الراديو كلما دننام يصحينة الراديو ديعلمنة وديقرينة ما جننة نعرف شي لوما هالراديو اصبح كل واحد من عدنة يشوف بعينة ويسمع باذنة ويميز اليسرة من اليمنة ويحجي بالحق وبالهدنة ويقرة الممحي بالراديو ويعرف اسرار الراديو رحم الله السوة الراديو

الراديو نور الافكار .. الراديو فتح الابصار .. الراديو ينقل الاخبار الراديو يفضح الاسرار الراديو صوت الاحرار الراديو .. مادام ينور الافكار مادام يفتح الابصار مادام يفضح الاسرار يعني يضر الاستعمار يحيا الراديو يحيا الراديو..

الراديو خلة المعلومات مشاعة تتناقلها هالاذاعة وذيج الاذاعة الراديو من يذيع اخبار اخر ساعة ميظل واحد ميتسنط للراديو

يسمع غنى يسمع موسيقى ويسمع هالاحاديث الشيقة من اوربا ومن امريكا ومن استراليا ومن افريقا وكل مجان البي راديو خدم البشرية الراديو يا يابة شسوة الراديو

..

الراديو نور الافكار .. الراديو فتح الابصار .. الراديو ينقل الاخبار الراديو يفضح الاسرار الراديو صوت الاحرار الراديو .. مادام ينور الافكار مادام يفتح الابصار مادام يفضح الاسرار يعني شي نافع مو ضار يحيا الراديو يحيا الراديو..

الراديو منة الشرقي ومنة الغربي الراديو يحجي فرنجي ويحجي عربي الراديو ما ظل شامي ولا ظل حلبي ما يسمع كل الاخبار من الراديو ويكدر هم يسمع احيانا تعليقات وحجي مبطن ويكدر يسمع الوان الفن وبكل فن يكدر يتفنن فتح العيون الراديو وشجع الفنون الراديو كولوا فليحيا الراديو..

الراديو نور الافكار .. الراديو فتح الابصار .. الراديو ينقل الاخبار الراديو يفضح الاسرار الراديو صوت الاحرار الراديو..