مشي امرك يا قدر .. إنت أحكامك مطاع ...

لو حصل ونحنا إفترقنا والليالي الأمر ضاع ..

لمسة الذكري المعاي تبقي زاد روحي ومتاع ..

الزمن كان مبتسم والليالي جميلة حالمة ..

كانت الأيام بتمضي حلوة ريانة ومسالمة

لا شكينا من الزمن لا إلتقينا بلحظة ظالمة..

بي هنان الدنيا كانت يا حبيبي العمر عالمة ..

فجأة غير ما نحن نشعر يا فراق طليت علينا ..

وأصبحت كل الليالي الطيبة والأيام حزينة ..

وإرتسم ظل في جبين أيامنا ظل رعشات سجينا ..

كان طريق مكتوب نسيرو نحن سرناه ومشينا ..

عودت من بعدك رجعت وعشت متغرب وحيد

وإبتديت أشعر بدهر العمر بيتساقط بعيد ..

يا حليلك إنت والأيام ربيع اخضر سعيد

كنت أبكي عليك بعمري الدموع بس ما بتفيد