أمتي أنا يا ناس اعمل حاجة ليا
من زمان شقيان مش قادر طالع عنيا
بتمني لو مرة الدنيا متضحكش عليا
حلمي نفسي اعيشه في يوم يبقا في ايديا
متغرب بعيد علطول أنا لوحدي
تعبان من الفراق و الناس اللي بعيدة عني
فين الحبايب اللي كانوا ساندني
مش عايز أموت ومحدش يكون جمبي
لية دايما كل لما أحب ألاقي في خداع
ملايين الناس شايفة حالتي في الضياع
مبقتش آمن تأني من كتر اللي باع
بحلم يبقي حد جمبي وميقولش وداع
طب أروح لمين ولا مين واشكيله
مفيش حد حاسس بيا يمدلي أيده
رب العالمين هو بس اللي ادعيله
عارف آية جوايا دائما من غير ما احكيله
نفسي اشوف عيالي بيكبرو حوليا
حتي لو معايا تشتاق ليهم عينيا
بفكر في مستقبلهم إنا كل شوية
مش عايزهم يتأذو زيي من الدنيا
بتمني إن قلبي يجمد ساعة ومش عارف
لية متوتر قلقان و دايما أنا خائف
كله شايف السعادة وأنا مش شايف
هما بيتحركوا وأنا بس اللي واقف
أمي راحت مني مبقتش معايا
أجمل أيام عمري لما كانت ويايا
راح الحضن الدافي اللي كان ساكن جوايا
قلبي أتوجع لما دي كانت النهاية
وأنا شعري شاب من العذاب والجراح
أبكي على اللي جاي ولا أبكي على اللي راح
تعبان من جوايا مش عارف ازاي ارتاح
حابس الكلام مكبوت مكسور الجناح
طيب نعمل آية في الحياة تعبانا
كل شوية لية هي لية قرفانا
مش عارفين نعيش زي الناس الفرحانة
طول اليوم هموم مش قادرين بأمانة
عائز تبقي مرتاح ومش شائل الهموم
افتكر ربنا واستغفر له كل يوم
هتلاقي الحياة سالكه رزق كتير بالكوم
دي المركب للبر في بحر تعبت منه عوم