من فاركتني انت ورحت
للأي واحد اني ما كلت
سالوني وينه وجذبت
توني على جتافة نمت
سالوني عنك وضحكت
مابين الهم من عفت
كلش قوي يمهم صرت
بين علي ما فاركت

اني لو باجيلي دمعة
يعني راح وماله رجعة
ما دروا انت جرحتني
من فاركتني

ما يوم اني دنكت
ما اذكر اني تنازلت
لفراك روحي ما خفت
بفراكك حيل تبهذلت
لو ما الشماته جا متت
من ظيم فركاك خلصت
لخاطر عزة نفسي صبرت
ضليت صامد ما طحت

اني اريد هواية ابجي
لكن الشماتة تحجي
ما دروا انت جرحتني
من فاركتني

سهرت عيوني وما غفت
نيران كلبي ما طفت
دنياتي غيم وما صفت
بعدك همومي ترافكت
حسيت بفراكك صدك
بالليل من كمت اختنك
ابجي انا بدم محترك
ينعل ابو هذا العشك

اني اريد هواية ابجي
لكن الشماتة تحجي
ما اريد ابين الهم واحد كسرني
من فاركتني