ليش انت مبعد عن عيوني ومجفني

يانور عين بشوفك كنت احليها

حتى اتصالك وصوتك منقطع عني

واعد الايام لين تعود لي فيها

ان كنت زعلان ياكل الغلا مني

مجبور اراضيك وعيونك اراضيها

وان كان قصدك بهالفرقا تعذبني

ياكيف تتعب حياتي وانت غاليها

ارجوك طمن شقى نفسي وطمني

اشغلت روح(ن)غيابك عنها يشقيها

تعبت احاتيك واسال عنك لكني

ماالقى جواب(ن) لاجل نفسي اهديها

اطلب من الله عسى انك دوم متهني

في دارك اللي الهي بك مهنيها

وعساك دايم بقلبي تحسن الظني

ياشمس داري وبدر(ن)في لياليها