رافقت فى دنيا الوفا ناس وافين

كلهم ونعم ولكن الحق ينقال

لو رفقة الرجال تسوى ملايين

رفقتك فى عينى مليون رجال

رافقت انا ميتين واحد من سنين

ويمكن ثلاث ميه على كل الاحوال

واللى صفوا لى اربع رجال باقين

واحد هو انت والباقية ع البال

لو كان عمرك فى حدود الثلاثين

لكن لك وقفات ياطيب الفال

فى حنكتك كأنك فى عمر الثمانين

وانت بثلاثين العطا تسبق اجيال

واحد يثمن عشرة الطيب والزين

ويرد وقفات الوفا عشره امثال

وانت الذى وفيت كل الموازين

واسقيت من غيم السخاء ورد الامآل

انت بحروفى لغز ماشافته عين

وانت فى عمرى حل لو ضاق لى حال

وانا لو اخسر فى حياتى ملايين

يكفى معى رجلٍ بمليون رجال