إفتحلا قلبك واضحكلا
على شو مهموم؟!
إمسك هالعود ودقلا
نغمة بتدوم؛
نغمة بتذكر بالواد
من لما كنا ولاد
وتحلم صوتك
يوصل أعلى
وإنه اللي جاي أحلى
//
أجل تفكيرك ببكرة
لاحق ع القلق
خدلك مني هالفكرة
المتل ما صدق
الباب اللي جايب هوى
لا تسده هو الدوا
قصة حبك
عيشا ع مهلا
واللي جاي أحلى!
//
دور براسك هالقصة
حكاية بلد؛
فرحتها مجبولة بغصة
ودمعة ولد
وكل يوم بتصحى على حالة
وبتقرا نفس الرسالة
النص الفاضي
شوفه أملا
واللي جاي أحلى!