مهرةٍ تلعب على روس الجبال

تلمس الغيمة وبارقها نزل

من بعيد أشوفها شمس الجمال

مثل عطر الريح من شيح ونفل

/

من يلوم القلب في ريم الشمال

يا قمر نصف الشهر لين اكتمل

في حلاها عدّت حدود الخيال

لا ابعدت في فرحتي كيف العمل

/

صمتها عقل وثقل بنت الحلال

وإن حكت منطوقها مثل العسل

ما خبرت إن الكحل في الخد سال

رمشها من والي الكون اكتحل

/

ليجمع ليل الفرح غترة وشال

والله إنه عز ما مثله حصل

ساعةٍ فيها الشعر غنى وقال

صوت مسحوب وتواصيف وغزل

/

واهني الروح في طيب الوصال

واعناها لا انقطع حبل الأمل

أقفت بروحي ولا قالت تعال

العفو لو همت وأبديت الزعل

/