لا توهميني بالوفا .. لا تحلفين

لا تدعين انك نسيتي غرامه

أشوف بعيونك غلا من تحبين..؟؟

وأحس في نبرات صوتك كلامه

ادري تحبينه وادري تعانين

وادري عليك اليوم طول خصامه

بأسمه تناديني معي دوم تنسين

وغصب علي أجاملك بابتسامه...!!

صبرت يمكن في عذابي تحسين

ماودي أجرح خاطرك بالملامه

لامر زول اللي تبينه تفزين

ويضيع قدري بالهوى واهتمامه

إيه اتركيني وقولي اللي تقولين

ابحتفظ في عزتي والكرامه

ولابي وعود ولاعهود وبراهين

مابي من الايام غير السلامه...!!!