كذا يالصيف تحرمني وصاله؟

حبيبي وقرب يفارق عيوني

سفر شوف هالبشر خذلك بداله

طلبتك بس ما أبقى بدوني

ضياء فرحي بدا يبني زواله

بعيش ايام بعده مع شجوني

نهار وليل في رجوى خياله

اجل وشلون لو راح اخبروني ؟

كلامه , ضحكته , صمته , دلاله

دخيل الله مااستحمل جنوني

بغيت اموت يوم اقرأ الرساله

فمان الله ياكلي وكوني

حبست الدمع في عيني وساله

نغم يمطر واحاسيسي مزوني

حلاله كل مااملك حلاله

من اول ماعيونه له دعوني

سفر يالصيف اطالبكم عداله

تخلونه معي او تاخذوني

احبه موت واتنفس وصاله

اذا هو غاب تفضحني عيوني