لاتعاتبني على مزحي معاك

=وتعتبر مزحي وسيلة للجفا

لو خطاي ومزحتي كانت خطا

=كان قلبي ياحبيبي قد عافى

ان قلبي مطلبه يكسب رضاك

=وعاهدك ياصاحبي عهد الوفا

عهدك مايعشقه انسان سواك

=وعن جميع الناس شايم واكتفى

اكتفى بك انت بالذات وعطاك

=اصدق الاحساس والاعظم خفا

كيف تجفي صاحبا ماقد جفاك

=في غيابك طرف عينه ماغفا

ينتظر وصلك يبي عل وعساك

=تسمع الزله وخفاقك صفا

لادني بردك وانا احتاج لدفاك

=وحاجة القطب الشمالي للدفا

انت غالي ومحد يوصل غلاك

=لو تجافيني وتعطيني قفاك

والليالي مالها معنى بلاك

=والمفارق جرح واللقيا شفا

ماهقيت ان ترمي ماضي وراك

=بس ذا المره آفا والله آفا

لاتعاتبني على مزحي معاك

=وتعتبر مزحي وسيلة للجفا