اكتشف الجديد
دخول
حبيبتي كل العواذل تشابه

قلبٍ ظلام ووجه يشبه للأصحاب

ولا من غدى لك صاحبٍ ينحكى به

لا تسمعين أن كان لك قلب وأحباب

إلى مشيت الدرب يلهث سرابه

وإلى سكنت الدار ناداني الباب

وشلون أنام وهم قلبي صوابه

والشوك ينبت بين جفنين وأهداب

تعبت امني .. الأسئلة بالاجابة

وانطر شروق الشمس والشمس بغياب

وتعبت أناظر والمعنى عذابه

إنك بعيده والملا دونك حجاب

اجمع كلام وما أعرف الكتابه

وعندي شعور صدق والوقت كذاب

وكل النجوم اللي امطرت من سحابه

حبيبتي دمعك جرح قلب واتراب

واللي وقف ما بين بابي وبابه

قلبٍ ظلام .. ولابس لي ثوب الأصحاب