انا طفران نازل للنيابة اسمعولي هالبيان الانتخابي بالاول انا انسان امي وانتو بتعرفو حضرت جنابي خدو برنامجي وشوفو كلامي وانتخبوني وع فرشة وعد نامو انا بيع الوطن وبحفظ مقامو انا ضد المشاريع المفيدة الشعب راضي وع هالاهمال راضي وانا ابن الشعب والشعب مني روحو واسألو التاريخ عني بحسن ضيعتي تتصير جنة النيابة عزاب انتو بتعرفوها كرامة مركزي برضى عزابي وقبل ما تسألوني عن ميولي انا بالطول متر ونص طولي بعمر بيت من مال اليتامى وبعمل بيك وبعبي جيابي وبكرة في وقت ما بصير نايب كل ما بتقصدوني بكون غايب واللي بكون سلة بيض جايب بوصي الخادمة عني اتصل بالبيك وبقلب المجلس بثبت وجودي ما بحكي بحط ايدي ع خدودي وبوعد بس ما بوفي بوعودي وازا انسان راجعني بقضية كلمة طل بكرة ع حسابي وانا صوب النيابة ارضيت اخاطر ازا الكم بهالترشيح خاطر