ما خلاص قلبي أصبح من عذابك في أسى

وهجير شديد وجعاتو ما شافن مسى

يوم ألقى إبتسامك والصباح

ويوم أحي في عمق الجراح

يموت جرح وتجيبي جرح وقليبي لا مات لا فرح

والعطف منك يا سماح إتلاشى راح

عاد أقبل أنا وين وأحكي الوجعة

ياتو خديد يشيل الدمعة وياتو حنين يجيب الراح

أشيل كليماتك وأسافر

اتذكر بسيماتك أساهر

خلي طيفك يبقا هاجر يخلني في لمحة حزن ما بتنطرح

ما زي وجيهك كل يوم يصبح سمح

يموت جرح ويصبح جرح وقليبي لا مات لا فرح

وتعذيبيني أنا

أقول أشكيك لله وأخاف من دعوتي تصيبك

وأقول يا ربي تدي القدرة كان يديني قدرة أسيبك

يا النسيتني النوم يا الجفيتي حبيبتك

يا الافراحنا ابنت ما تجيبك

طيفك بجي وبفوت وأنا بوراك بالشوق بموت

بس بشيل ألمي يا ظالمة وببني بالآمال بيوت

عندي كم في الدنيا زيك

لما تزعلي يمكن يبقا جرحي ما بيبرا حتى لو من عيني غبتي

قلبي قبلك ما أظنو لحظة من أياما عاشا بعيون بالدمعة بفضح بقا راحل زي فاشة

يوم رضيتي علي وجيتي

طل فوق عيني دعاشا

بيك أيد قلبي ذابو غيمة الريد جاتني راشة

لما أرحل بخطايا قلبي ما برحل معايا

اصلي ما خليتو ليكي يبقا عشرة عليكي ورايا

وانتي عاد لو شفتي عينيٌ

ما بتواكب غير بكايا

اصلي في ريدك عرفتو ناوي اقرب للنهاية

يا سلام لو شفتي حالي

يوم تجيني رسالة منك

بنسى ظلم الدنيا كلو

لو وفاك جبتي حنك

غير رضاك ما عندي منية

انا عندي كم في الدنيا زيك

لما تزعلي ولا يزعل قلبي منك

وانتي جرحي الما بيبرا

جرحي جرحي الما بيبرا

وحتى لو من عيني غبتي

يا سلام لو شفتي حالي