اكتشف الجديد دخول
تعال خذ مني هداياك

باقي الصور وأغلى المكاتيب

ما عاد تنفعني بلياك

وجودهن عندي تعاذيب

يكفيني أتسلى بذكراك

دامك نويت الصد وتغيب

وأوعدك طول العمر ما أنساك

حتى ولو حطمني الشيب

ما ينكر طيبك وحسناك

وأنا أجازي الطيب بالطيب

لولاك ما حبيت لولاك

ولا عشت في دنيا المحابيب

شفت الهنا والطيب وإياك

بإحساس وأقوال وأساليب

الله يسمح لك نواياك

ويحفظك من كل العذاريب

أوادعك وأتأمل رضاك

محد حبيبي يعلم الغيب

وإن مت اذكرني بدعواك

وشوف الصور وأغلى المكاتيب

أوادعك وأتأمل رضاك

محد حبيبي يعلم الغيب

وإن مت اذكرني بدعواك

وشوف الصور وأغلى المكاتيب