يا مزبن اشواقي و يا قمة الذوق
عذبتني وأحرقت زهرة شبابي

يا شهد يا سكر ويا عذب منطوق
يا غيث قلبي في السنين الجدابي

عليك يا ريم المهاء خصر محزوق
لا سرت قدامي يضيق الفضاء بي

تقول غصن البان في ضاح زاروق
تغار من زينك زهور الروابي

الوسط يتمايل على ردف مفهوق
يشلع معاليق الصدور الرحابي

قوام متناسق رشيقن وممشوق
والصدر بستان الجناء يوم طابي

الوجه مثل الشمس والعنق منتوق
ورموش عينك مثل حد الجنابي

الحاجب أقرن والخشم سيف مفتوق
والخد باقة ورد حلو الشرابي

والفم كمثرى ومشمش وبرقوق
وبيض الثنايا مثل روس الحرابي

والشعر ليل أسود على جنب مفروق
والنحر مثل البرق بين السحابي

الشوق له في خاطري رعد وبروق
ضامي وأدور ماي بين السرابي

مزجت حرف السين مع دم وعروق
بين الخلايا في ذهابي وإيابي

على سماح الروح لي قلب محروق
يا كبر حبي له وهو ما درابي

يا حب حطيتك على الرأس من فوق
لعبت بي يا حب لعبة مبابي

أموت وأحيا فيك يا أعز مخلوق
وأهيم في ذكراك وأفقد صوابي

فتحت لك قلبي وهو كان مغلوق
وسلمت مفتاحه وصكيت بابي

غريق في بحر الهوى ما معي طوق
طوقي يدينك لا أنت تحسب حسابي

يا بعد قلبي للهوى شرط وحقوق
أخذ وعطاء لا يكون جوك ضبابي

تقدر تنسيني عناء الهم يا شوق
تقدر تسليني وتكسب ثوابي

صدق المشاعر بين عاشق ومعشوق
تفتح كتابك لي وأنا أفتح كتابي

جرح الهوى ما له علاجات ورتوق
تقدر تعاتبني وتسمع عتابي

يا صاحبي ما كل مطرود ملحوق
لا غبت عنك بايطول غيابي