هزني لك شوق يا راعي اللثام

يا شبيه النور في ليلة قمر

لك عيونٍ ترسل النظرة غرام

من تصيبه ينكسر تحت الأمر

/

فيك من سحر الوصايف والكلام

شيء أكبر من قصيدي والشعر

مالكٍ تاج الحلا بين الأنام

مشغلٍ روحي وقلبي والفكر

/

ابتدأ شوقي بلفتة وابتسام

وابتدأ يكبر مثل موجة بحر

الله أكبر يا مناتي والمرام

والله إني فيك مأسورٍ أسر

/

هاك مني يا شفا عمري سلام

من أسير الشوق يا كل العمر

من يشوفك شوفتي لك ما ينام

ولا يلام إن عاش عمره في سهر

/