اكتشف الجديد دخول
لى ويييين وكيف لمتين

يا ضحكة ضاعة ويييين

ياحزن يامرتااااح بين الدموع والعيييين

تعبت معاك الرووح كل الحشد سهرو

شباك حلم مقفول عيش المسافة يطول

للفاتو ما رجعوو

ياسكة لى بيتنا ياعتمة يامشوار

ياشارع الحلة ما ضاعت الذكرى

للغابو والحضروو

ياقمرى ياقمرة ياسنسنة وحمرة

بسال عن الافراح والخاطر المرتاااح

عن دنيا فيها سماح

عن الصباح الراااح

لا ضوو لا اتروو

علمنا يامسكين ورينا عايش كيف؟

دى الريح وغول الزيف بشتتو المطرة

والفكرة قولة الحق والطوبة مبتسرة

الخطوة نحوك كيف والسكة ديك خطرة

اطفالنا والامات امالنا واحلامنا

الهسة والجايات طوااالى فى وكرة

لكن دا كلو يهون مهما الصباح مرهون

والفرحة محتكرة

والبذرة مهما يكون حتبقى يوم شجرة