نسمة العز ياسماحة

طوفي بالخير في سياحة

زوري الشقي المالاقي راحة

ورشي الفرح في كل ساحة

****************

جففي.......جففي....جففي.... العرق المعطن توب جبين بلد الغلابة

وطلي ياشمس السعادة في ديار شاخة حزن واتكسحت من طول عذابة

***************

قابعة......قابعة....قابعة..... في مدن الأسى وأصلو الفرح مادق بابها

بعيونك فرحيها من جمالك جمليها خليها ترجع لشبابها

*************

في معاناة الهجير كوني للكادح مظلة

صبريهو وقولي ليهو في كفاحك يعينك الله

ابقي في صحراهو واحة خلي الربيع يديهو طلة

بددي الهم والأسية واسعدي الناس الشقية

وعنهم زيلي المزلة

************

فرحة عيونك وزعيها حارة حارة وحلة حلة

ضمخي الناس بالفضيلة وجرتقي الداير العديلة

خلي قدح الخير معلى.... خلي قدح الخير معلى

مأ انتي لم تطل عيونك بلسم علاج لكل علة