دبلت ف قلبي أي لحظة فرح من يوم الرحيل

بقى مستحيل أنام ف ليل مفيهوش عيونك يا حبيبي

بصحى وبفوق على شوق وذكرى وعذاب وويل

وجراح و همّ، بقى مش مهم

أدوق ألم ملهوش نهاية يا حبيبي

لكن الأكيد اني انا لو عشت ميت مليون سنة

عمري ما هنسى ان الهنا عرفت طعمه معاك

نفسي في لحظة تضمنا، تجمعنا من تاني سوا

ياللي هواك ليّا دوا وروحي فداك

مستنياك، روحي حبيبي قلبي معاك

مستنياك، بحلم حبيبي يرجع هواك


دايماً بخبي أي جرح و حزن عن عيون الناس

وقلبي خلاص، ملهوش خلاص غير حضنك انت يا حبيبي

مبتنطفيش ناري، ولهفة قلبي ليك مبتنتهيش

آه صحيح بعيش، لكن مفيش لحياتي معنى يا حبيبي

انت بعيد وانا هنا بعيش ف ذكرى حبنا

من قلبي بدعي ربنا يقرّب لقاك

ياللي مليش عنك غنى، ارجع وفرّح قلبي انا

ثانية بثانية بعيشها انا، بُعدك هلاك

مستنياك، روحي حبيبي قلبي معاك

مستنياك، بحلم حبيبي يرجع هواك