أشرقت في عيني ثواني وغبت زي لمح البصر

لا عرفتو طيف لاح في الأفق لا عرفتو حلم جميل عبر

خليتني غبت عن الوجود سرحت مسلوب الفكر

مرات أقول أوهام خيال مرات أقول ليلة قدر

مرات أقول لفحة عبير خلت نسيمك ينعطر

مرات أقول صورة ملاك زارتني في أبها الصور

رجعت لي نفسي ولقيتك رحت ما خليت أثر

أسأل عليهو وله كيف أوصف خلاص وأتستر

حتي أسأل عن ناس ما عرفت عن اسمك خبر

صبحت في رعشة سعادة وقلبي بالحب انسحر

وقفت مشدوه في الطريق

أسألني في موعد معاك تلقاني لحظات منتظر

كل ما أشوف منظر بديع أفرح وأقول نورك ظهر

اتشابا لكن انهزم وأرجع بخاطر منكسر

أشرقت في عيني ثواني وغبت زي لمح البصر