هنيالي بيك شكد حلو
واجمل بشر شفته
صدكني كلما تبتسم
انسى الحجي الكلته

الدنيا ماحبها بعد
الدنيا عندي انته
انته هديه ربي
وياك العمر عشته

دونك حياتي شبيها
غير انت المحليها
وياك اريد ابديها
وانهيها يمك كون

سميتك اهلي وناسي
شاغلي گلبي وراسي
انت اقرب من انفاسي
بحبك عشت ممنون

.............................


هو انت مثلك وين اكو
هنيال بيك اهلك
مابيك اي شي مو حلو
بس الگمر مثلك

مخبلني لك انت شنو
يكتل كتل شكلك
محد يحبك مثلي
صدكني حتى اهلك


غير انت مو شي عادي
فدوه الجمال الهادي
راح اعلن استعدادي
وبسمك اسجل الروح


تستاهل اكثر واكثر
غير انت ما تتكرر
بلياك ما اعيش اگدر
لو عني يوم تروح