لا قلت ابسري جرحت القلب بي جرحين

جرح انك نويت وجرح كلمه كنت ابي احكيها

تبعد وتجفى ولا اقدر انادي وين

وين انت رايح رد لي روحي انا ابيها



ابقى مكاني غصب ارسل وراك العين

هي حيلتي دام الخطاوي صعب يمديها

اجلس معاهم وانا عد الثواني سنين

اتابعك بالشوف لين دمعي يغشيها

واحتار فيني ماودي عذابي يبين

لكن خيوط الشمس من يقدر يداريها



يا حيلة الله ربي لي عليك معين

يبليك فيني مثل ما حالي انت مبليها

وتعود هايم يردك للوله آمين

نفسك على قربي تواعدها وتمنيها

وتحس مثلي لا من قلت لك بعدين

لا ترجيت المواصل عاد وشفيها