إرسمي هالغدر في محجر عيونك
دام صار الوضع متساوي معاك

تجرحين وتظلميني في ظنونك
لين صارت عيشتي شبه الهلاك

كم حلفت وقلت والله ماخونك
وانتي نبض القلب ولادور سواك

وكم جلبت العذر واستدمحت دونك
ولو زعل غيرك انا دور رضاك

وكنت اغض الطرف عن اروع فنونك
الجحود اللي تعلا واعتلاك

عيشي في شكك وتوهي في ظنونك
والحقي الشرهات من وفا بهواك

واخذي هالجمله قبل تغفى جفونك
كنتي غلطه وصعب اكررها معاك