اكتشف الجديدالفنانين
دخول
,,,

ليك زمن

لا يوم سألتي

ولا عرفتي البي قلتي

طمنيني وقولي حاجة

عاملة كيف بالله إنتي

قولي بس لو أي حاجة

هدي بالي وريحيني

ما أظنك تبقي قاسية

ومن حنانك تحرميني

لو في خاطرك

ماخدة مني

أرجو إنك تعذريني

مش غريبة نكون أحبة

وبينا تنقطع الرسايل

وتبتعد بينا المسافة

وتنعدم كل الوسايل

لا الفرح

يطرق ديارنا

ولا البريد يغشانا سايل

بس ياريت لو كان عرفتي

قدر إيه وأنا بالي فيكي

كلما أفرد شراعي

منتظر لحظات مجيكي

أبقي أتراجع خطاوي

كلو بس خايف عليكي

وليك زمن