على كثر العيون اللي حكتلي مابكتلي عين

بكيت ولا لقيت لدمعتي عينن تواسيني

غرقت ولا لقيت صرختي منهو يمد ايدين

تصوبني سهوم الموت مره والف تخطيني

انا وحظي رجعنا كل منى خالي الكفيين

على كيف الدهر من وين مايمشي يوديني

ذبحني جرحي الي ثاربي وادمى من الصوبين

بلاني وين اوليبه لعب في حسبت اسنيني

خطاي اني وفيت ماعرفت العب على الحبلين

خطاي اني اذا حبيت احب بكل ما فيني

نعم باقي من اعيوني لعيونك الف دين ودين

لو اجمعها جروح الناس قلبي ما تكفيني

ابد مااتبع الكذاب والله وصاحب البالين

وشلي اذكره بالخير منك لجل تهديني

انا تدرين ربي ما خلقني اتبع المقفين

وربي لو رجعت بكلمتي لقطع شراييني