مجنون
حبك حبك اه مجنون
عشانك افصل اي قانون
عشان تفضل حبيبي جنبي سنين و سنين

ست ساعات
قدام منك لا دانا ابات
مهو برضوا الجمال مقامات
قال حلوين حلوين مين و الناس نايمين

حبك ادمان قلبي بروقان
واقع في حب اللذاذة
لو حبك شغل انا احب الشغل
واروحوا يوم الاجازة

معاك انا اهج و اعيش فالتلج
ان شاء الله نروح الهونولولو
دانا هعمل زيطة و عالحيطة
هكتب قمر مين هيطولو
‏
مين داس
علي مؤشر الاحساس
شغل قلبي بكل حماس
غيرك مين يحسسني بفرق التوقيت

شوقي زاد
و براحتك عد يا عداد
دا كأني معاك ف مزاد
كل ما ابص علي قلبي الاقيك اترقيت