ليش إنت مبعد عن عيوني ومجفني

يا نور عين بشوفك كنت أحليها

حتى إتصالك وصوتك منقطع عني

وأعد الأيام لي بتعود في فيها

إن كنت زعلان يا كل الغلا مني

مجبور أراضيك وعيونك أراضيها

و إن كان قصدك بهالفرقى تعذبني

يا كيف تتعب حياتي وإنت غاليها

أرجوك طمَن شقا نفسي وطمني

أشغلت روح غيابك عنها يشقيها

تعبت أحاتيك وأسأل عنك لكني

ما ألقى جواب لجل نفسي أهديها

أطلب من الله عسى إنك دوم متهني

في دارك اللي إلا هي بك مهنيها

وعساك دايم بقلبي بحسن الظني

يا شمس داري وبدر في لياليها