اغنية دياستان
كلمات اغنية دياستان
فاليري جيسكار ديستان
والست بتاعة كمان
حيجيب الديب من ديله
ويشبع كل جعان
يا سلاملم يا جدعان
ع الناس الجنتلمان
داحنا حنتمنجة واصل
وحتبقى العيشة جنان
التليفزيون حيلون
والجمعيات تتكون
والعربيات حتمون
بدل البنزين
بارفان
وحتحصل نهضة عظيمة
وحيبقى علينا القيمة
فى المرسح او في السيما
او ف جنينة الحيوان
وحتبقى الاشيا زلابية
ولا حوجة لسوريا وليبيا
وحنعمل وحده ارابيا
مع لندن والفاتيكان
والفقرا حياكلوا بطاطا
ويعيشوا بكل الاطة
وبدال ما يسموا شلاطة
حيسموا عيالهم
جان
واد بفضل صديكي
ديستان الرومانتيكي
ولا حدش فيكو شريكي
فى المسكن
والسكان
فاليري جيسكار ديستان
والست بتاعة كمان
حيجيب الديب من ديله
ويشبع كل جعان