سليت وخاطري انسى ولكني عجزت انساك
تعبت اجامل الذكرى وتذبل باقي سنيني
انا بعد الفراق وغيبتك .. هويت المكان هناك
تعلقت بطرف وجدك وانا ادريك تغليني
اداري وحشة ايامي والاقي لك عذر لجفاك
اشوفك لشقاي الحل وانت اللي معنيني
تأملت الوجيه اللي تمر .. كنت انتظر لاماك
واشوفك في الوجيه اللي تمر وطيفك يجيني
تعدا الوقت من عمري ولو ان العمر يفداك
ووقفات الجفا ابرد .. من اوهامي تصحيني
طويتك حلم بأوراقي .. خاب الأمل وياك
وابرحل للبعيد اللي عن دروبك يسليني