اكتشف الجديد دخول
الله عليك محلاك يا نور عيني

الله عليك محلاك يا بنت محلاك

اشعلت نار الحب والشوق فيني

واشغلت قلب صار بالحيل يهواك

من شوفتك بالوصل لا تحرميني

ودي بشوفك ما ابي بس طرياك

لا تبخلين بعض حبك عطيني

سبحان رب خالقك ثم سواك

انتي صدى عمري ونعمة سنيني

روحي وقلبي وناظر العين يفداك

وصفك عجيب وكيف ما تعجبيني

محد سكن قلبي لا ذا ولا ذاك

لولاك ما بان الامل في سنيني

لا زلت عايش انتظر دوم رجواك

لا تتركيني بالحياة ادفنيني

عقلي وقلبي والمشاعر تحراك

اما تكوني لي ودايم تجيني

خايف اموت بحسرتي قبل القاك