خلني أبكي وأسيل دمعتي

يمكن الدمعه تخفف لوعتي

خل دمع العين يغسل غلطتي

كود محبوبي يسامحني عساه

خلني أندم وأحس بغربتي

خلني ألقى الجزا في وحدتي

خلني أكتب لخلي قصتي

مانويت أخطي وش الدنيا سواه

ياشقى عينن عمتها غيرتي

آه من عبره تناجي كربتي

كيف أخطي واعذابي وحسرتي

ويل من مثلي تسبب في بلاه

من ثلاث اشهور غابت فرحتي

والقمر ولى وزادت ظلمتي

طال ليلي وأختليت بوحشتي

والسهر خيم على الحال وبراه

ان صفى خلي صفتلي دنيتي

وان تعذر أحرقتني لهفتي

وش حياتي دون حبي وسلوتي

القبرأرحم من همومي تراه