جالس بحالي ولحالي

هزني الشوق وذكرتك

يعني معقوله يا غالي

كل هذا وما وحشتك ؟

غيبتك طالت ليالي

ياعسى خير وعذرتك

خوفي وكل انشغالي

دون ما اقصد جرحتك

يعلم الله وقلبي شاهد

انه عيني من املها

بش تشوفك عندي قاعد

روحي ترجع في محلها

تدري يوم احنا انتباعد

كل هالدنيا واهلها

يفقدون انسان واحد

وافقد انا الدنيا كلها

كان قلبك يا فتوني

طاوعك تنسى حبيبك

انا ببقى مع شجوني

وانت روح الله حسيبك

بس تاكد يا عيوني

لو غدى غيري نصيبك

كنت وياي او بدوني

ما ابي مكروه يصيبك