أتعبتني في البُعد أحبك وأنت جافيني

وتعبت أبي أجفاك أنا.. في عز حُبي لك

تخطي علي لين أحسّك طحت من عيني

ويرفعك دمعٍ للسماح.. اختار منديلك

ازعل وشف قلبٍ رضا جاء بينك وبيني

ما شفت أغرب من خطاك يرد قلبي لك

تغيب وأسأل وين أنا ؟! مدري أنا ويني

أثري من الحزن أكثري بالوهم ماشي لك

/

غصبٍ عليّ ما هو رضا.. تاهت عناويني

مني وكلي هاربٍ برضاي مني لك

أسألك باللي كاتبك فيني وملغيني

ما ودي أشكي منك.. لكن ودي أشكي لك

معقولة إنك أنت يا ألطف من رأت عيني

قادر تفرقني شتات ولا أقدر أمشي لك؟!

ما دمت قادر بالجفا تاخذني بيديني

علمني كيف أترك يدك في عز حُبي لك.