الكل عاش من غيرى

الكل سابنى و مشى حتى اللى كل من خيرى

لا يخجل ولا يختشى

الغريب لقيته حن و القريب شيطان و جن

حاجة تهبل او تجن

و المشاعر من ازاز

ملعون ابو الناس العزاز اللى لما احتجنا ليهم طلعوا اندال بامتياز

اغلى غالى متشفوش الا لو محتاج اليك

يرجع يبيعك بالقروش للعدو قصاد عنيك

من خيانته فين تروح قلبك انت نزيف و روح

قلبه ده مجرد ازاز ملعون ابو الناس العزاز

ملعون ابو الناس العزاز اللى لما احتجنا ليهم طلعوا اندال بامتياز

الزمن ده كله عايب مش حقيقى ولا اصيل

كل شئ مباح و سايب حتى حمدالله عليل

زيف و كدب و شوق رخيص

و العزيز ماهوش عزيز و النفوس بين نار و جاز

ملعون ابو الناس العزاز

ملعون ابو الناس العزاز اللى لما احتجنا ليهم طلعوا اندال بامتياز